selakant

selakant
(Coelacanthiformes, Latimeria chalumnae)

toe almal geglo het
hy is lankal uitgedood
toe net fossiele
360 miljoen jaar oud
van hom oorgebly het
sien Marjorie Courtenay-Latimer ou vierpoot
by Tyalomnqa in Desember van ’38:
hol ruggraat, geskarnierde bek, lobgevin
die kalm nagswemmer dryfjagter bodemloper

te laat.

sal hy, die meester seestroomnavigeerder steeds
moeiteloos en beweeglik  in die swel
en val van deinings sy roete maneuvreer
oor nog ‘n miljoen of meer?

©Susan Smith
Advertisements